डाेटी, असाेज- १५,
दिपायल सिलगढी नगरपालिकाले जिल्ला भलिबल संघ डोटीलाई विभिन्न खेलकुद सामग्री हस्तान्तरण गरेको छ । नगरपालिकाले खेलकुद क्षेत्रको विकास तथा खेलाडीलाई आवश्यक सामग्रीको उपलब्धता सुनिश्चित गर्ने उद्देश्यले भलिबल संघलाई खेलकुद सामग्री हस्तान्तरण गरेको हो ।
नगरपालिकामा बिहिवार आयोजित स्वागत तथा खेलकुद सामग्री हस्तान्तरण कार्यक्रममा भलिबल संघ डोटीका अध्यक्ष राज बहादुर खड्का लगायत प्रतिनिधिलाई भलिबललगायतका खेल सामग्री हस्तान्तरण गरिएको हाे ।
हस्तान्तरण गरिएका खेलकुद सामग्रीमा ५० थान भलिबल, ५ थान नेट तथा १ थान पम्प सेट रहेका छन् ।
यसै अवसरमा दिपायल सिलगढी नगरपालिकाले डाेटी जिल्ला खेलकुद विकास समितिका नवनियुक्त अध्यक्ष वीरबहादुर खड्का लगायत अन्य पदाधिकारीलाई स्वागत तथा बधाई समेत दिएको छ
दिपायल सिलगढी नगरपालिकाका नगरप्रमुख बाजि सिंह खड्काले बाेल्दै नगरपालिकाले जिल्लामा खेलकुदको विकास, खेलाडीको क्षमता अभिवृद्धि तथा खेलकुद गतिविधिलाई व्यवस्थित बनाउन नयाँ समितिसँग सहकार्य गर्ने बताएका छन् ।
कार्यक्रममा भैरव प्रसाद गण, सिलगढीका नवनियुक्त गणपति दिपेश शाहलाई समेत स्वागत गरिएको थियो । नगरपालिकाका जनप्रतिनिधि, खेलकुद क्षेत्रका प्रतिनिधि तथा सुरक्षा निकायका अधिकारीहरूको सहभागिता रहेको कार्यक्रममा नवनियुक्त गणपतिलाई सफल कार्यकालको शुभकामना हाे ।
नगरपालिकाले खेलकुद सामग्री उपलब्ध गराएपछि जिल्लामा भलिबल खेलको विकासमा सहयोग पुग्ने विश्वास गरिएको छ । स्थानीय तहबाट हुने यस्ता सहयोगले खेलकुद गतिविधिलाई थप प्रोत्साहन पुग्ने भलिबल संघका अध्यक्ष खड्काले बताए ।का छन् ।
कार्यक्रममा नगरपालिका वडा नम्बर ६ का वडा अध्यक्ष नरेश मलासी, नगरपालिकाका प्रमुख प्रशासकीय अधिकृत शंकर सुचिकार, ब्याडमिन्टन संघका केन्द्रीय सचिब जगत बहादुर खड्का, खेलकुद समितिका पदाधिकारी, भलिबल संघका पदाधिकारी लगायत खेलाडीहरूकाे उपस्थिति रहेकाे थियाे ।
सम्बन्धित खवर
