दिपायल, असाेज- ९,
नेपाली कांग्रेसकाे १५औं महाधिवेशन अन्तर्गत डोटीका सबै वडा तथा गाउँ/नगरपालिकामा अधिवेशन सम्पन्न भएकाे बताइएकाे छ ।
असाेज ३ र ४ गते वडा तथा ७ गते गाउँ/नगरपालिकामा साैहार्दपूर्ण वातावरणमा अधिवेशन सम्पन्न भएकाे नेपाली कांग्रेस डाेटीका कार्यवाहक सभापति नारायण बहादुर बलायरले जानकारी दिएका छन् ।
वडा, गाउँ/नगरपालिका अधिवेशन भएसंगै असोज १० (भाेलि) गते हुने प्रदेश तथा प्रतिनिधि सभा क्षेत्रीय अधिवेशनकाे तयारी पूरा भएकाे समेत कार्यवाहक सभापति बलायरले बताए ।
भाेलीदेखि हुने प्रदेश तथा प्रतिनिधि सभा क्षेत्रीय अधिवेशनका कार्यक्रम राजपुरस्थित सेती सभाहलमा हुने बताइएकाे छ । अधिवेशनमा जिल्लाभरीबाट करिब डेढ हजारकाे संख्यामा क्षेत्रीय प्रतिनिधिहरूकाे सहभागीता रहने भएकाे छ ।
बिहान ११ बजे अधिवेशनकाे उद्घाटन हुने र त्यसपछिका कार्यक्रमहरू प्रतिकुल माैसमलाई ध्यानमा राखेर अगाडि बढाइने आयाेजकले जनाएकाे छ ।
कार्यवाहक सभापति बलायरले अधिवेशनलाई प्रतिस्पर्धाभन्दा सहकार्य र व्यक्तिगत स्वार्थभन्दा पार्टी हितलाई प्राथमिकतामा राखेर सम्पन्न गर्न सबै क्षेत्रीय प्रतिनिधिहरूलाई आग्रह गरेका छन् ।
नेपाली कांग्रेसको आन्तरिक लोकतन्त्रलाई थप सुदृढ बनाउने महत्वपूर्ण अवसरका रूपमा लिइएको अधिवेशनलाई स्वच्छ, निष्पक्ष, अनुशासित र सौहार्दपूर्ण वातावरणमा सम्पन्न गरिने उनले बताए । उनले सबै प्रतिनिधिहरूलाई समेत सक्रिय सहभागीताकाे लागि समेत आग्रह गरेका छन् ।
त्यसैगरी निम्न व्यक्तिहरू पालिका अधिवेशनबाट सभापतिमा निर्वाचित भएका छन् :
१. धिर्क बहादुर सिंह (सभापति)- शिखर नगरपालिका
२. बिरेन्द्र बहादुर कोटकेनी (सभापति)- बडीकेदार गाउँपालिका
३. जितेन्द्र बहादुर बोहरा (सभापति)- जोरायल गाउँपालिका
४. नरेश कुमार बम (सभापति)- बोगटान फुड्सिल गाउँपालिका
५. अंक खड्का (सभापति)- पुर्वीचौकी गाउँपालिका
६. अमर बहादुर खड्का (सभापति)- सायल गाउँपालिका
७. इन्द्र बोहरा (सभापति)- आदर्श गाउँपालिका
८. नरेश बहादुर खड्का (सभापति)- के.आई.सिंह गाउँपालिका
सम्बन्धित खवर
