गणेश मौनी,
डोटीको आदर्श गाउँपालिकाले पालिका भित्र रहेका अति बिपन्न दलित र एकल महिलाहरुलाई न्यायो कपडा (कम्बल) बितरण गरेको छ ।
गाउँपालिकाले आर्थिक वर्ष २०७९।०८० मा तय गरेको महिला संग उपाध्यक्ष कार्यक्रम अन्तर्गत अति बिपन्न दलित र एकल महिलाहरुलाई न्यानो कपडा (कम्बल) वितरण गरेको आदर्श गाउँपालिकाका उपाध्यक्ष लक्ष्मी रोकायले बताईन् ।
आर्थिक अवस्था कमजोर भएका महिलाहरुलाई केही राहात हुनुका साथै एक आपसमा आत्मीयता बढोस भन्ने उद्देश्यले न्यानो कपडा वितरण गरेको उपाध्यक्ष रोकायाले बताईन् ।
शुक्रबारदेखि सुरु गरेको महिलाहरुलाई न्यानो कपडा वितरण कार्यक्रम अन्तर्गगत वडा नम्बर १ का ५० जना महिलाहरुलाई, वडा नम्बर ३ का ४१ जना र वडा नम्बर ४ का ४० जना महिलाहरुलाई वितरण गरेको समेत बताइएकाे छ ।
अति बिपन्न, आर्थिक अवस्था कमजोर भएका, एकल, दलित महिलाहरुलाई वितरण गर्ने गरेको कार्यक्रममा पालिकाका अन्य वितरण गर्न बाँकी रहेका सबै वडाका महिलाहरुलाई वितरण गरिने कार्यक्रम रहेको समेत उपाध्याक्ष रोकायाले बताईन् ।
