बैशाख- ८,
सिलगढी/सुरक्षित अल्पकालीन महिला सेवा केन्द्र डाेटीले हिंसा प्रभावित महिलाहरूलाई व्यवसायी बाख्रा पालन सम्बन्धि तालिम संचालन गरेकाे छ ।
सशक्त महिला समृद्ध नेपाल परियोजना अन्तर्गत साथी संस्थाको प्राबिधिक सहयोग र दिपायल सिलगढी नगरपालिकाको समन्वयमा युएनएफपिएको आर्थिक सहयोगमा सुरक्षित अल्पकालीन महिला सेवा केन्द्रमा तालिम संचालन भइरहेको छ ।
साेमबारदेखि सुरु भएको तालिम ७ दिनसम्म संचालन हुने सुरक्षित अल्पकालीन महिला सेवा केन्द्रका प्रमुख एवं मनोसामाजिक परामर्शदाता बन्दना बमले जानकारी दिइन ।
‘हिंसा प्रभावित महिलाहरुको आर्थिक सशक्तीकरण गर्न र आत्मनिर्भर बनाउनका लागि तालिमको आयोजना गरिएको हो ।’, बलमे भनिन्, ‘तालिममा २४ जना महिलाहरुको सहभागीता रहेको छ ।’
तालिमकाे उद्घाटन जिल्ला समन्वय समितिका प्रमुख लक्ष्मण बहादुर सिंहले गरेका थिए । प्रमुख सिंहले हाम्रो समाजमा आर्थिक रूपमा सक्षम नभएसम्म महिलाहरू हिंसामा परिरहने भएकाले तपाईंहरू यस तालिमपश्चात आर्थिक उन्नतिमा लाग्नु हुन्छ भन्ने विश्वास व्यक्त गरे । तालिमलाई उपलब्धिमुलुक बनाउन आग्रह गरे ।
उद्धाटन कार्यक्रममा बाेल्दै दिपायल सिलगढी नगरपालिकाका उपप्रमुख कलावती महर साउँदले महिला दिदिबहिनीहरूले आत्मनिर्भर भएर बस्न सक्नु पर्ने बताइन ।
