गणेश मौनी
सिलगढी : डोटीको पूर्बीचौकी गाउँपालिकामा रहेका भूकम्प प्रभावित क्षेत्रका बालबालिकाहरुलाई न्यानो कपडा वितरण गरिएको छ ।
युनिसेफ नेपालको सहयोगमा बास नेपालले पूर्बीचौकी गाउँपालिका वडा नम्बर ३ गैरागाउँका ९४ जना बालबालिका र २ जना सुत्केरी महिलालाई सोमबार सहयोग गरेको हो ।
बढ्दै गएको चिसोबाट बालवालिका प्रभावित नबनु भन्ने उद्धेश्यले जिल्ला विपत बयवस्थापन समिति, पूर्बीचौकी गाँउपालिका र वडा कार्यालयको समन्यमा न्यानो कपडा वितरण गरेको हो ।
कपडा वितरण कार्यक्रममा बोल्दै पूर्बीचौकी गाउँपालिकाकी उपाध्यक्ष पशुपती खड्काले चिसो समयमा युनिसेफ नेपाल र बास नेपालले न्यानो कपडा बितरण गर्दा प्रभावित बालवालिकालाई ठुलो राहत पुगेको बताइन । भूकम्प प्रभावित क्षेत्रका मानिसहरु अहिले पनि टेन्टमा बसिरहेका छन, अब यस्तै प्रकारका महिलाहरुका लागि न्यानो कपडा सहयोगको समेत उनले अपिल गरेकी छन् ।
न्यानो कपडा वितरण कार्यक्रममा पूर्बीचौकी गाउँपालिकाका उपाध्यक्ष पशुपती खड्का, वडा सदस्य भिम बहादुर खड्का, बास नेपालका कार्यक्रम संयोजक हेमराज भट्ट, सुदुरपश्चिम प्रदेश संयोजक पाण्डब पुजारा, बासका प्रदेश सचिब तथा पत्रकार गणेश मौनी, बासका कार्यक्रम अधिकृत शर्मिला थापा, मनोसामाजिक कार्यकर्ता सरिता कठायत, तुल्सी वली को सहभागिता रहेको थियो ।
बास नेपालले कर्णाली र सुदुरपश्चिम प्रदेशमा बाल संरक्षण तथा लैगिक हिंसा न्यूनिकरण कार्यक्रम संचालन गर्दै आएको छ ।
