गणेश मौनी
डोटी : पढाई शिबिर सहजकर्ताहरुका लागि पढाई शिबिर र अभिभावकीय सचेतना सम्बन्धी दुई दिने पुनर्ताजकी तालिम शुक्रबार दिपायलमा सम्पन्न भएको छ ।
वर्ल्डभिजन ईन्टरनेशनल नेपालको सहयोगमा सामुदायिक विकास केन्द्रले तालिमकाे आयोजना गरेको थियो । सिकाईलाई थप गुणस्तरीय बनाउनका साथै विद्यालय बाहिर रहेका बालबालिकाहरुलाई शिक्षामा समाबेश गराउन पढाई शिबिरले सहयोग पुर्याएको सामुदायिक विकास केन्द्र डोटीका अध्यक्ष हेमराज जोशीले बताएका छन् ।
दुई दिनसम्म संचालन भएको तालिममा पढाई शिबिरका चरणहरु, पढाई शिबिरको अभ्यास, अभिभावक सचेतनाका चरण र पढाई शिबिर दिगोपना र प्रभावकारीता लगाएका विषय बस्तुको बारेमा छलफल गरेको समाबेशी तथा गुणस्तरीय शिक्षा परियोजना संयोजक दिनेश बमले बताए ।
दुई दिन सम्म सचालन भएको तालिममा डोटीको दिपायल सिलगढी नगरपालिका, पुर्विचौकी गाउँपालिका, आर्दश गाउँपालिका र सायल गाउँपालिकाका ९२ जना पढाई शिबिर सहजकर्ताको सहभागिता रहेको थियो ।
पढाई शिबिर कक्षा डोटीका चार वटा स्थानिय तहका ९२ वटा स्थानमा प्रत्येक शनिबार दैनिक साढे १ घण्टा संचालन हुने गर्दछ ।
सम्बन्धित खवर
