- सिलगढी : डाेटीमा मतगणना सुरू भएकाे छ । बेलुका ५ बजेदेखि मतगणना सुरू हुने भनिएपनि सामान्य विवादका कारण ढीलाे हुन गएकाे मुख्य निर्वाचन अधिकृत शिवलाल पाण्डेयले बताए । मतगणना बेलुकी ७ बजेदेखि सुरू भएकाे हाे ।
सुरूमा प्रतिनिधि सभा सदस्यका मतपत्र गणना हुँदैछ । बडिकेदार गाउँपालिका वडा नम्बर ४ मान्नाकापडी स्थित शिबजी मावि र स्वास्थ्य चाैकीमा रहेकाे मतदान केन्द्रका मतपेटिका खाेलिएकाे छ । सुरूमा दुइवटै मतपेटिकाकाे एक हजार दुई सय ५४ मत गणना गर्न थालिएकाे छ ।
मतगणना स्थल जिल्ला अदालतमा रहेकाे छ । प्रतिनिधि सभा, प्रदेश सभा ‘क’ र ‘ख’ काे छुट्टाछुट्टै मतगणना हुने भएकाले मतगणना स्थल तीनवटा बनाइएकाे छ ।
प्रतिनिधि सभा सदस्यकाे लागि लाेकतान्त्रिक बाम गठबन्धनकाे तर्फबाट नेकपा एकीकृत समाजवादीका प्रेमबहादुर आलेमगर, नेकपा एमालेबाट गाैरी वली, राष्ट्रिय स्वतन्त्र पार्टीबाट केशब बलायर, राप्रपाका अंकबहादुर खड्का र स्वतन्त्र उम्मेदवार नरेन्द्रबहादुर खड्का रहेका छन् ।
डाेटीमा जम्मा मतदाता एक लाख २४ हजार आठ सय ७० रहेका छन् । जसमा 64 हजार ५८ मत खसेका छन् । खसेकामा महिला मतदाता ३६ हजार छ सय एक र पुरूष मतदाता २७ हजार चार सय ५७ रहेका छन् । डाेटीमा जम्मा ५१.१७ प्रतिशत मत खसेकाे हाे । डाेटीमा एक प्रतिनिधि सभा र दुईवटा प्रदेश सभा क्षेत्र रहेका छन् ।
