बन्दना बम,
डोटी/डोटीका चार पालिकाहरुले गुणस्तरिय शिक्षा प्रदान गर्न एवं शिक्षा क्षेत्रको सुधारका लागि प्रतिबद्धता जाहेर गर्दै १६ बुँदे डोटी घोषणा पत्र जारी गरेका छन् ।
शिक्षा अवस्था सुधारका लागि दुई दिने जिल्ला स्तरिय गोष्ठीबाट दिपायल सिलगढी नगरपालिका, सायल गाउँपालिका, आदर्श गाउपालिका र पुर्वीचौकी गाउँपालिकाले सोमबार घोषणा पत्र जारी गरिएको हो । पालिकाका प्रमुख, प्रमुख प्रशासकीय अधिकृत, शिक्षा इकाइ प्रमुख, पालिका भित्रका बिद्यालयका प्रअ, अभिभावक लगायतले घोषणा पत्रमा हस्ताक्षर गर्दै प्रतिबद्धता जनाएका हुन् ।
घोषणा पत्रमा गुणस्तरिय तथा व्यवहारिक शिक्षाको मापनका लागि पालिकाले छुट्टै सुचकहरु निर्धारण गरी अनिवार्य बार्षिक रुपमा स्वःमुल्याङ्कन गर्र्ने । व्यवहारिक शिक्षामा उत्कृष्ट शिक्षक, बिद्यार्थी र बिद्यालयलाई प्रोत्साहन गर्ने गरी क्रियाकलाप गर्ने लगायतका १६ वटा बुँदा रहेका छन् । जिल्ला स्तरिय गोष्ठीमा शिक्षाबिद् तथा प्राध्यापक डा. बिद्यानाथ कोइरालाले सहजिकरण गरेका थिए ।
कोइरालाले पालिकाहरुले व्यवहारिक शिक्षा लागु गर्न गरेको तत्परता कार्यान्वयनमा लैजान शिक्षक, जनप्रतिनिधी तथा शिक्षक महासंघ गम्भिर हुन सुझाव दिएका छन् । कार्यक्रम वल्र्ड भिजन इन्टरनेशनलको आर्थिक सहयोगमा सामुदायिक विकास केन्द्र (सिडीसी)ले आयोजना गरेको थियो ।
कार्यक्रममा बोल्दै पालिका प्रमुखहरुले गुणस्तरिय शिक्षा र व्यवहारिक शिक्षाका लागि आफुहरु प्रतिबद्ध रहेको बताएका छन् ।
१६ बुँदे घोषणा पत्र :
१. गुणस्तरिय तथा व्यवहारिक शिक्षाको मापनका लागि पालिकाले छुट्टै सुचकहरु निर्धारण गरि अनिवार्य बार्षिक रुपमा स्वःमुल्याङ्कन गर्र्ने । व्यवहारिक शिक्षामा उत्कृष्ट शिक्षक, बिद्यार्थी र बिद्यालयलाई प्रोत्साहन गर्ने गरी क्रियाकलाप गर्ने ।
२. विद्यालय उमेर समुहका शतप्रतिशत बालबालिकालाई बिद्यालय भर्ना गराउने ।
३. अभिभावकहरुमा सचेतना एवं सहयोगका माध्यमबाट विद्यार्थीहरुको दैनिक उपस्थिति दर बढाउने ।
४. सामुदायिक साक्षरता अभियान, अभिभावक शिक्षा र पढाई शिविरलाई गाउ“पालिकाले निरन्तरता दिने र विद्यालय तहबाट यसको नियमित अनुगमन गर्ने ।
५. विद्यालयको शैक्षिक अवस्था सुदृढ गर्न शिक्षकको पेशागत क्षमता विकास र प्रोत्साहन गर्ने ।
६. आधारभुत तहको सिकाईका न्यूनतम मादण्डहरु बनाइ कार्यान्वयनमा ल्याउने र कक्षा कोठाहरु छापामय बनाउने । ICT Based कक्षा संचालनका लागि शिक्षक र बिद्यार्थीलाई सहयोग र प्रोत्साहन गर्ने ।
७. प्रत्येक स्थानीय तहमा पालिका र शिक्षक महासंघको अगुवाईमा नमुना विद्यालयका सुचक बनाइ बिद्यालयले ती सूचक पुरा गरेको दाबी पालिकामा गर्ने । पालिकाले ती बिद्यालयहरुको प्रतिबेदन बनाइ वेभसाइटमा सार्वजनिक गर्ने ।
८. नगरपालिका/गाउ“पालिकाले दलित, अपांग, अशक्त तथा अति विपन्न बाबालिकाहरुलाई उच्च शिक्षा प्रदान गर्न अक्षयकोष स्थापना गर्ने साथै विद्यालयलाई जातिय भेदभाव र छुवाछुत मुत्तबनाउने प्रयास गर्ने ।
९. अपाङ्गता भएका बालबालिकाहरुका लागि विद्यालय भवन र कक्षा कोठा व्यवस्थापन गर्ने ।
१०. डोटेली भाषामा स्थानीय पाठ्य सामग्री निमाणर् गरी कार्यान्वयनमा ल्याउने ।
११. विद्यालयमा हुन सक्ने प्रकोपको नक्साङ्कन गरी सुरक्षित सिकाइ वातावरण निर्माण गर्ने ।
१२. विपन्न परिवारका बालबालिकाहरुलाई शिक्षामा पहुँच पुर्याउन त्यस्ता परीवारका अभिभावकहरुलाई सीपमुलक एवं आय-आर्जन मुलक कार्यक्रमबाट सहयोग गर्ने ।
१३. डोटेली संस्कृती, परम्परा, भाषाका बिषयमा अध्ययन अनुसन्धान गर्न शिक्षक एवं विद्यार्थीहरुलाई प्रोत्साहन गर्ने । उत्कृष्ट अनुसन्धान र असल अभ्यास गर्ने बिद्यालयलाई पुरस्कृत गर्ने । असल अभ्यासहरुलाई अभिलेख राख्नुका साथै वेबसाइड तथा संचार माध्यमहरुबाट सार्वजनिक गर्ने ।
१४. पालिका, सेवाप्रदायक संस्था र शिक्षक बिच भएको सेवा सर्त तथा सम्झौता अनुसार पठन पाठनमा कमि नआउने गरी अध्यापन गर्ने र गराउने ।
१५. प्रारम्भीक बालविकास केन्द्रलाई व्यवस्थित गर्दै लग्ने र भौतिक एवं शैक्षिक सुधार मार्फत सर्वाङ्गीण विकासका लागि स्रोत केन्द्रको रुपमा स्थापना गर्ने ।
१६. बालश्रम नियन्त्रणलाई आत्मसात गर्दै बालसृजनालाई प्रोत्साहन गर्नेगरी प्रत्यक बालबालिकालाई कम्तीमा एउटा गरीखाने सिप सिकाउने व्यवस्था गर्ने ।
