डोटी/कोभिड १९ विरूद्वको खोप सम्बन्धि जनचेतनामूलक सडक नाटक गरिएको छ । दिपायल सिलगढी नगरपालिकाको वडा नम्बर ५ बागठाटामा कोरोना भारसको खोप सम्बन्धि सडक नाटक गरिएको हो । शैलैश्वरी युवा क्लबले शनिबार कोरोना भाइरसको खोप सम्बन्धि जनचेतनामूलक नाटक प्रदर्शन गरेका थिए ।
बहुउद्देश्यीय विकास समाज डडेलधुराले ईको अफ कोर्डेडको आर्थिक सहयोगमा यो जनचेतनामूलक सडक नाटक सञ्चालन गरेको हो । कोरोना विरूद्वको खोप लगाऔं “आफू पनि सुरक्षित बनौं आफ्नालाई पनि सुरक्षित बनाऔं ” भन्ने नाराका साथ यो अभियान शुरू गरिएको छ । साथै डोटीका नौ वटै स्थानीय तहहरूमा चलिरहेको कोरोना विरूद्वको खोप केन्द्रहरूमा मास्क सेनिटाइजर र जनचेतनामूलक सल्लाह दिएर हेल्प डेस्क पनि राखिएको छ ।
हेल्प डेस्क एउटा स्थानीय तहका दुईवटा खोप केन्द्रहरूमा राखिएको छ । कोरोना को खोप नलगाएका आर्थिक अभावमा भएका अशक्त असायहरूको महिला स्वास्थ्य स्वयंसेविकाहरूलाई परिचालन गरेर डाटा संकलन समेत गरिएको छ । त्यस्ता मानिसहरूलाई खोप केन्द्र सम्म पुगाउन संस्थाले सहजिकरण गर्ने भएको छ । धेरै जस्तो मानिसहरूले अझै पनि खोप लगाउन मानिरहेका छैनन् त्यसैले कोरोना विरूद्वको खोप सबैले पुणर् रूपमा लगाउन खोप सम्बन्धि जनचेतनामूलक सडक नाटक र अशक्त असाय मानिसहरूको आर्थिक अवस्था बुझन्को लागि महिला स्वास्थ्य स्वयंसेविका परिचालन गरिएको संस्थाका कार्यकारी निर्देशक प्रेम बहादुर महरले बताए ।
लक्षित वर्गलाई खोप केन्द्र सम्म पुर्याउनका लागि यातायात र आर्थिक सहयोग गरि खोपको पहुँच पुगोस् भनेर कोभिड १९ आपतकालीन सहयोग कार्यक्रम मार्फत व्यवस्था गरिएको संस्थाले जानकारी गराएको छ । जनचेतनामूलक सडक नाटकले पनि धेरै कुरालाई प्रष्ट पार्ने भएकोले कोरोनाको खोप लगाउने उमेर पुगेकाले सबैलाई आवस्यक रहेको आपतकालीन सहयोग कार्यक्रम डोटीका कार्यक्रम संयोजक सविना केसीले जानकारी गराइन् ।
गाउँघरमा खोपको बारेमा जानकारी गराएता पनि सबैले खोप लगाउन नमानिरहेका र यसरी जनचेतनामूलक कार्यक्रम गरेर उहाँहरूलाई खोप केन्द्र सम्म पुर्याउने पहल गरेकोले बहुउद्देश्यीय बिकास समाज डडेलधुरा संस्थालाई दिपायल सिलगढी नगरपालिका ५ वडाका वडा अध्यक्ष मदन भण्डारीले धन्यवाद दिए । वडा बाट संस्थालाई गर्नुपर्ने सहयोगको लागि अगाडि रहने र खोप लगाउन नमान्ने मानसिकका लागि वडाले के गर्नुपर्छ त्यो गर्न तयार रहेको भण्डारीले बताए । डोटीका प्रत्येक पालिकाहरूमा संस्थाले युवा परिचालन गरेर जनचेतनामूलक सन्देश प्रवाह गराउने र खोपको मात्रालाई बढाउने आपतकालीन सहयोग कार्यक्रम डोटीका कार्यक्रम अधिकृत बन्दना बमले बताउनु भएको छ ।
