डोटी/माधव कुमार नेपाल नेतृत्वको नेकपा (एकिकृत समाजवादी) को डोटी जिल्ला कमिटी सोमबार घोषणा गरिएको छ । नेकपा (एकिकृत समाजवादी) ले दीर्घराज बोगटीको संयोजकत्वमा १ सय ५ सदस्यीय जिल्ला कमिटी घोषणा गरेको हो ।
पार्टीका केन्द्रिय सदस्य एवं सुदूरपश्चिम प्रदेश सरकारका आन्तरिक मामिला तथा कानुन मन्त्री पूर्णा जोशीको प्रमूख आथित्यतामा जिल्ला कमिटि घोषणा गरिएको हो ।
बोगटी पूर्वीचौकी गाउँपालिकाका अध्यक्ष हुन् । स्थानिय तहको निर्वाचनमा उनी नेकपा एमालेका तर्फबाट निर्वाचित भएका थिए ।
उनी तत्कालिन नेकपा एमाले र त्यसपछिको नेकपाका जिल्ला कमिटि सचिवालय सदस्य थिए । त्यसैगरी सो पार्टीले जनवर्गीय संगठन अखिल नेपाल महिला संगठन र राष्ट्रिय युवक संगठन समेत विस्तार गरेको छ ।
जानकी भट्टको संयोजकत्वमा ३७ सदस्यीय अखिल नेपाल महिला संगठन र महेन्द्र कुँवरको संयाजकत्वमा ४१ सदस्यीय राष्ट्रिय युवक संगठन विस्तार गरिएको हो ।
