किशोर बम, डडेल्धुरा/डडेल्धुरा अस्पताललाई कोरोना माहामारीका वेला आवश्यक पर्ने अति आवश्यकिय स्वास्थ्य सामाग्री हस्तान्तरण गरिएको छ ।
अस्पतालका चिकित्सकलाई सहजै र सुरक्षित रुपमा कोरोनाका विरामीहरुको उपचार गर्न आवश्यक आपतकालिन प्रतिकार्य स्वास्थ्य सामाग्री अस्पताललाई हस्तान्तरण गरेको हो ।
अस्पतालबाट कोरोनाका विरामीलाई आवश्यक पर्ने सामाग्री र अन्य जोखिम न्युनिकरण सामाग्री माग गरिएको थियो । सोही अनुरुप ईको पार्ट अफ कोर्डेडको आर्थिक सहयोगमा बहुुउद्येशीय विकास समाज डडेल्धुराले करिव २० लाख वरावर को समाग्री हस्तान्तरण गरेको संस्थाका अध्यक्ष नैनसिंह महरले जानकारी दिए ।
विशेष गरेर अस्पताललाई कोभिड १९ को माहामारी न्युनिकरण तथा उपचार गर्न र पिडित वनेका सर्वसधारण तथा विरामीलाई राहत उपलब्ध हुने गरि डिस्पोजल ग्लोब्स, स्टेराइल ग्लोव्स, बाईप्याप माक्स, अक्सिजन कन्सिटेटर, भेण्टिलेटरको सर्किट, एण्टिजिन किट्स, पिसिआर जाँच गर्ने किट, पिसिल, हेडक्याप, सुकभर लगाएतका अतिआवश्यक स्वास्थ्य सुरक्षा समाग्री उपलव्ध गराएको हो ।
आपतकालीन अवस्थामा चाहिने अन्य सामाग्री समेत वेलावेलामा उपलब्ध गाराईने सस्थाले जनाएको छ । संस्थाले दिएका सामाग्रीहरू अति आवस्यक भएकोले कोरोना विरामीको उपचार गर्न सहज हुने अस्पतालले जनाएको छ ।
उक्त संस्थाले डडेल्धुरा र डोटी जिल्लाका मुख्य अस्पताल र अन्य स्वास्थ्य संस्थामा समेत विभिन्न कुरामा सहयोग गरिरहेको छ । त्यसै गरी खोप ढुवानी, अशक्त अपागंंता भएका मानिस तथा जेष्ठ नागरिकहरुलाई खोपकेन्द्र सम्म ल्याउने लैजानुका साथै स्वाथ्यकर्मी तथा महिला स्वंम सेविकाहरु सगं समन्वयात्मक बैठक गर्ने लगाएतका कार्यक्रमहरु सचांलनमा रहेको संस्थाका महासचिब अशोक बलमे बताए ।
स्वास्थ्य सामग्री हस्तातरण कार्यक्रममा सुदूरपश्चिम प्रदेश सासंद गोविन्द बोहरा, परशुराम नगरपालिका मेयर भिमबहादुर साउँद, अमरगढीका मेयर विशेश्वर प्रशाद ओझा लगायका जनप्रतिनिधीहरुको उपस्थिति रहेको थियो ।