सिलेट खबर/धार्मिक तथा पर्यटकीय क्षेत्र बडिमालिकालाई विश्वसामू चिनाउने उद्देश्यले साइकल यात्रीको टोली बडिमालिका पुगेर फिर्ता भएको छ । धनगढीबाट निस्किएको साइकल यात्रीको टोली बाजुराको बडिमालिका पुगेको हो । समुन्द्री सतहबाट ४ हजार २ सय मिटरको उचाइमा रहेको बडिमालिकामा साइकलको यात्रा गर्दै भरतविक्रम शाह नेतृत्वको टोली पुगेको हो ।
भदौ ६ गते बडिमालिकामा लाग्ने मेला पुगेर फिर्ता भएको साइकल यात्री भरत विक्रम शाहले बताए । ९३ किलोमिटरको दूरी साइकलमा तय गरेको साइकल यात्री शाहले बताए । शाह र काठमाडौंका साइकल यात्री विकास महर्जन बडिमालिकास पुगेका हुन्।
भदौ २ गते सुरु भएको साइकल यात्रा सोमबार साँफेबजार पुगेर टुङ्गिएको हो । उनीहरु साइकलसहित पहिलो पटक बडिमालिका पुगेका हुन् । बडिमालिकामा प्रत्येक वर्ष जैनपूर्णिमामा हजारौं दर्शनार्थी जाने गर्दछन् ।
यो वर्ष भने साइकल यात्रीसहितको टोली बडिमालिका मन्दिर पुगेको स्थानीय डम्मर उपाध्यायले बताए । बडिमालिकालाई पर्यटकीय क्षेत्रको रुपमा चिनाउन साइकल यात्रा गरेको शाहले बताए।
बडिमालिका यात्रामा निसर्ग अस्पताल धनगढी र ग्रीन गोदावरीका सदस्यहरुको सहभागिता रहेको शाहले बताए । उनका अनुसार निसर्ग अस्पतालका कुबेर शाही, ग्रीन गोदावरीका रवि भट्ट, दुर्गा अधिकारी, रोशन भट्ट, किरन बोहरा, केशबराज भट्ट सुभाष चन्द, प्रकाश शाही र कुसल बिष्टको समूहले बडीमालिका यात्रा तय गरेका हुन् ।
बडिमालिका तथा त्रिवेणी नगरपालिकाका विभिन्न ठाउँमा निसर्ग अस्पतालले करिब २ लाख बराबरको औषधिसमेत वितरण गरेको शाहीले बताए । बडिमालिका क्षेत्र धार्मिक मात्र नभइ जैविक विविधता, बन्यजन्तु, जडिबुटी, तथा वातावरणीय दृष्टीकोणले विषेश महत्व रहेको छ ।
पर्यटकीय सम्भावना बोकेका २२ पाटन्, त्रिवेणी, नाटेश्वरी बडिमालिकाका धरोहरका रुपमा परिचित छन् ।
