दिपायल/रास्वपा डाेटीकाे जिल्ला अधिवेशनबाट नयाँ नेतृत्व चयन भएको छ । साेमबार सम्पन्न अधिवेशनले पुन: सभापतिमा केशब बलायरलाई सर्वसम्मत रूपमा चयन गरेको हो ।
अधिवेशनले बलायरको नेतृत्वमा १३ सदस्यीय जिल्ला कार्यसमिति गठन गरेको छ । जिल्ला कार्यसमितिको उप-सभापतिमा धनबहादुर बोहरा, सचिवमा विष्णु खड्का, सहसचिवमा डिल्लीराज भट्ट र कोषाध्यक्षमा शारदा श्रेष्ठ चयन भएका हुन् ।
त्यस्तै सदस्यहरूमा मोहना साउद, टेक बोगटी, इन्द्र खड्का, खिम बहादुर बिठाडी, लाल भूल, केशव परियार, कविराज खत्री र सन्तोष भण्डारी चयन भएका छन् ।
यसअघि जिल्लाका ९ वटै पालिकामा अधिवेशन सम्पन्न गरी नयाँ नेतृत्व चयन गरिएको रास्वपाले जिल्ला अधिवेशनमार्फत नयाँ जिल्ला नेतृत्वको टुङ्गो लगाएको हो ।
नयाँ नेतृत्वले संगठन विस्तार, जनसरोकारका मुद्दा उठान तथा पार्टीको गतिविधिलाई जिल्लाभर थप प्रभावकारी बनाउने नवनिर्वाचित सभापति बलायरले बताएका छन् । यसअघि पनि रास्वपा डाेटीकाे सभापति बलायरनै थिए ।
