डोटी, मंसिर– १४
डोटीमा बोलेरो जीप दुर्घटना हुँदा १२ जना यात्रु घाईते भएका छन् । दिपायलबाट आदर्श गाउँपालिकाको गोरेली तर्फ जाँदै गरेको सु.प.प्र. ०२ ००१ च ११३५ नम्बरको बोलेरो जीप आदर्श गाउँपालिका वडा नम्बर ४ ल्वारेगडामा दुर्घटना हुँदा १२ जना घाईते भएका जिल्ला प्रहरी कार्यालयले जानकारी दिएको छ ।
जीप बेलुकी करिब ७ बजे कच्ची सडकमा अनियन्त्रीत भइ सडकबाट करिब सय मिटर तल खसेको प्रहरीले बताएको छ । सबै घाईतेहरु सामान्य रहेको बताइएको छ । घाईतेको स्थानीय काँणीस्याउले स्थित जिडी पोलिक्लिनिकमा उपचार भइरहेको छ ।

घाईते हुनेहरुमा आदर्श गाउँपालिका– ४, देहिमाण्डौंका २१ बर्षिय भगवती बिक, उनको १ बर्षको छोरा राजन बिक, बर्ष ५ की रितिका बिक, ३८ बर्षका टीका बिक, १९ बर्षका शेर बिक, बर्ष १८ की सरस्वाती ओझा, बर्ष २५ का दिल्ली राज ओझा, बर्ष २३ की बिष्ना ओझा, बर्ष ४ का दिपेश ओझा, सोही वडाको भुवा बस्ने जीप चालक बर्ष २८ का मोहन बिष्ट, बर्ष ३५ का लाल बहादुर बिष्ट, बर्ष २२ का सन्तोष बिष्ट रहेका छन् ।
घाईतेको उद्धारका लागि प्रहरी निरीक्षक पदम राज पन्तको कमाण्डमा नौ सदस्यीय प्रहरी टोली खटिएको थियो ।









