डोटी, बैशाख– ५,
डोटीमा सिकार खेल्न गएका व्यक्तिबाट भरुवा बन्दुक पड्किदा एकजनाको मृत्यु भएको छ ।
बडिकेदार गाउँपालिका वडा नम्बर– २ बर्छैन बस्ने तपन सार्कीका छोरा बर्ष २४ का नरेश सार्कीको बन्दुकको गोली लागेर मृत्यु भएको प्रहरी कार्यालयले जानकारी दिएको छ ।
बिहीबार राति बर्छैन जंगलको डाँडामा सिकार खेल्न गएका बडिकेदार गाउँपालिका– १ रजेडा बस्ने कमल सिं खड्काले बोकेको भरुवा बन्दुकको बट रुखमा ठोक्किई बन्दुक पड्किदा सार्कीको मृत्यु भएको बताइएको छ । घटना बडिकेदार गाउँपालिका– १ बेडुपाटा खोलाको किनारमा भएको हो ।
मृतकको दाँया छातिमा गोली लागेको र उनको घटनास्थलमै मृत्यु भएको प्रहरीले जनाएको छ । थप अनुसन्धानको लागि आज बिहान तीन बजेको समयमा प्रहरीको टोली घटनास्थल गएको प्रहरीले बताएको छ ।
घटनाको थप अनुसन्धानका लागि बन्दुक सहित १० जना स्थानीयहरुलाई प्रहरीले नियन्त्रणमा लिएको छ ।
प्रहरीको नियन्त्रणमा सिकारी बर्ष ४८ का कमल सिंह खड्का, बर्ष २६ का खेम खड्का, बर्ष ५२ का तारा सिंह खड्का, बर्छेन बस्ने बर्ष ३९ का तेजेन्द्र भाट, बर्ष ४० का अमर शाह, बर्ष ३१ का चक्र भाट, बर्ष १८ का सुनिल बम, बर्ष ३७ का गणेश बहादुर घर्ती मगर, बर्ष ७१ का मान बहादुर शाह र बर्ष २६ का जुलेश नामजाली मगर रहेका छन् ।
