डाेटी, माघ- १३,
डोटीमा एक युवककाे धारिलो हतियार (खुँडा) प्रयाेग गरि मृत्युु भएकाे छ ।
सायल गाउँपालिका वडा नं. ५ दैना बस्ने बर्ष ४० को बहादुर खड्काले मादक पदार्थ पदार्थ प्रयाेग गरि आइतबार बिहानै २ बजेतिर धारीलो हतियार (खुँडा) प्रयोग गरी आफ्नै हत्या गरेको घटना बाहिरिएको हो ।
शनिबार आफ्नै छोरीको उपचार गर्न भनि घरबाट आएका खड्का जिल्ला अस्पताल डोटीमा उपचार पश्चात आफन्त नाता पर्ने जिल्ला समन्वय समिति डोटीमा चालक पदमा कार्यरत छत्र खड्का बस्ने क्वाटरमा राति बास बसेको जिल्ला प्रहरी कार्यालय डोटीले जनाएको छ ।
मादक पदार्थ सेवन गरी धारीलो हतियार (खुँडा) घाँटीमा प्रहार गरी आत्महत्या गरेको भनि चालक छत्र खड्काले प्रहरीलाई खबर गरेका थिए ।
घटनाको जानकारी पाए लगत्तै डोटीका प्रहरी प्रमुख प्रहरी उपरीक्षक विनोद शर्माको कमाण्डमा टोली खटिई अनुसन्धान कार्य भईरहेको प्रहरीले बताएकाे छ ।
