डाेटी, भदाै- २८,
डोटीको के.आई.सिंह गाउँपालिका वडा नं. ४ मा एक बालिकालाई खोलाले बगाएको छ । स्थानीय गन्ने खोलाले वायल बजारमा दूध पुर्याउन जानेक्रममा ८ बर्षिया निर्मला चन्दलाई बगाएको जिल्ला प्रहरी कार्यालय डोटीका डिएसपी भिमलाल भट्टराईले बताए । कार्की गाउँ बस्ने महामतीकी छोरी निर्मलाकाे स्थानीय र प्रहरीद्धारा खोजी कार्य जारी छ । बाेगटान फुडसिल गगुडा घर भई कार्किगाउँ स्थित मामाघरमा चन्द बस्दै आएकी थिईन ।
साेही खाेलामा परेर अर्कि एक महिला पसल खाेल्न वायल आउने क्रममा घाईते भएकाे स्थानीय वसन्त विकले बताएका छन् । उनकाे दुर्गामाण्डाै स्वास्थ्य चाैकीमा उपचार भईरहेकाे छ ।
अविरल बर्षाका कारण पहिरोमा च्यापिएर २ जना घाइते, दर्जनौं चाैपायकाे मृत्यु
त्यसैगरी बुधबार रातिदेखिकाे लगातारकाे बर्षाले डोटीको बडीकेदार गाउँपालिका वडा नं. ४ टिमुटेमा पहिरोले घरभित्र च्यापिएर दुइ जना घाइते भएका छन् । ४५ बर्षिय तुलाराम जेठारा र उनकी ४० बर्षिया भागरथी जेठारा घाइते भएको डिएसपी भट्टराईले जानकारी दिए । तुलाराम सामान्य घाइते भएपनि भागरथी भने गभ्मिर रहेकी छन् । दुवै जना श्रीमान श्रीमती हुन् । घरमाथि पहिरो खस्दा गएराती उनीहरु घाइते भएका हुन् ।
उनीहरुको बाख्रा खोरमा समेत पहिरो खस्दा दर्जनौ बाख्रा च्यापिएर मृत्यू भएको प्रहरी जनाएको छ । ४ वटा गाइगोरु समेत पहिरोमा पुरिएर मरेका छन् । व्यावसायिक रुपमा बाख्रा पालन गर्दै आएका जेठारा दम्पतीको घर र खोरमा भएकाे क्षती विवरण संलकन कार्य भइरहेको डिएसपी भट्टराइले बताए ।
त्यस्तै के.आई.सिंह गाउँपालिका वडा नं ६ भाटीगाउँमा पनि पहिरोले पुरिएर तारा भाटका दुई वटा बाख्रा मरेका छन् । घरबाहिर निस्केर मध्यराती आफुले ज्यान बचाउन सफल भएपनि गोठ र घरमा पुर्ण क्षती भएको भाटले बताएका छन् ।
दिपायल सिलगढी न.पा. वडा नं. ०८ गोदडा बस्ने बर्ष ७० को सागर साउँदको गोठ माथीबाट आएको पहिरोले गोठ भित्र रहेको एक भैंसी च्यापिएर मृत्यु भएको र भैंसिको पाडा १ र एउटा गाईको सकुसल उद्धार गरिएकाे ।
अविरल बर्षाका कारण अझै ठुलाे क्षति हुनसक्ने अनुमान गर्न सकिन्छ भने लगातारकाे पानीले पाक्न लागेका धानबालीमा समेत क्षति पुगिरहेकाे किसानहरूकाे गुनासाे छ ।
बर्षाले ग्रामीण भेगमा जाने अधिकांश सडकहरू अवरुद्घ भएका छन् । लगातारकाे बर्षाले ठाउँठाउँमा पहिराे गएका छन् । त्यस्तै जोरायल गा. पा. वडा नं. १ स्थित भिम दत्त राजमार्गको घोरडी देखी गोगनपानी सम्म ४ वटा स्थानमा पहिरो आई रामागर्ग अवरुद्व रहेकाे र प्रहरी चौकी घण्टेश्वरबाट खटिएको द्वारा अवरुद्ध राजमार्ग खुलाउने कार्य भइरहेकाे प्रहरीले जानकारी दिएकाे छ ।
त्यस्तैगरी जिल्ला सदरमुकाम सिलगढी लगायत आसपासमा बिद्धुत समेत अवरुद्ध भएकाे छ । लगातारकाे बर्षाका कारण बिद्धुत पाेल ढल्दा बिद्धुत अवरुद्ध भएकाे बिद्धुत वितरण केन्द्रले जनाएकाे छ ।
