डोटी/प्रधानन्यायाधीश विश्वम्वरप्रसाद श्रेष्ठको गृह जिल्ला डोटीमा नागरिक अभिनन्दन गरिने भएको छ । नागरिक स्तरबाट हुने नागरिक अभिनन्दनको नेतृत्व दिपायल सिलगढी नगरपालिका र पूर्वीचौकी गाउँपालिकाले गर्ने भएको छ ।
हाल प्रधानन्यायाधीस श्रेष्ठ पारिवारिक कामले डोटीमा छन् । दिपायल सिलगढी नगरपालिकाले शुक्रबार गरेको पत्रकार सम्मेलनमा जानकारी गराउँदै नगरप्रमुख बिजय खड्काले अभिनन्दन बैशाख २ गते हुने भएको हो ।
प्रसिद्ध धार्मिक स्थल शैलेश्वरी मन्दिर प्राङ्गणमा दिउँसो १ बजे हुने अभिनन्दनमा समग्र जिल्लाको तर्फबाट जिल्ला समन्वय समितिले अभिनन्दन गर्ने तथा अन्य पालिका लगायका निकायहरुले पनि सम्मान गर्ने कार्यक्रम रहेको बताइएको छ ।
अभिनन्दन कार्यक्रममा सबै निकाय तथा सर्बसाधारण सबैलाई उपस्थितको लागि समेत नगर प्रमुख खड्काले आग्रह गरेका छन् ।
