बन्दना बम,
सिलगढी/‘शान्ति र समृद्धिका लागि पानी’ भन्ने नाराका साथ डोटीमा बिविध जनचेतनामूलक कार्यक्रम गरी ३२ औं विश्व पानी दिवस मनाइएको छ । सिलगढी खानेपानी उपभोक्ता तथा सरसफाइ समिति सिलगढीको आयोजनामा दिवस मनाइएको हो ।
सिलगढी स्थित मालिका मन्दिर परिसर सरसफाइ गरी ¥याली निकालीएको थियो । ¥याली पश्चात समितिको कार्यालय परिसर सरसफाइ गरी कार्यक्रम समापन गरिएको समितिका अध्यक्ष जगत बहादुर खड्काले जानकारी दिनु भयो ।
संयुक्त राष्ट्रसंघको आयोजनामा सन् १९९२ मा ब्राजिलको रियो द जेनेरियोमा भएको पर्यावरण र विकास सम्बन्धी महासभाले विश्व पानीदिवसको धोषणा गरेको हो । संयुक्त राष्ट्रसंघले सन् १९९३ देखि मार्च २२ लाई विश्व पानी दिवसका रुपमा मनाउन थालेकाले नेपालले पनि सोही दिनमा पानी दिवस मनाउन लागेको हो ।
कार्यक्रममा बोल्दै अध्यक्ष खड्काले समिति लगायत सबै उपभोक्ताहरुको सहयोगले सम्पूर्ण उपभोक्तालाई सफा र स्वच्छ पानी दिन सफल भएको बताए ।
उनले सिलगढी आसपासका बस्तीमा समेत खानेपानी बिस्तार गर्ने क्रम जारी रहेको बताउँदै दिपायल सिलगढी नगरपालिका वडा नम्बर ७ उडितोला, रातुली, पाँकरीका उपभोक्ताहरुका लागि संघीय खानेपानी आयोजना मार्फत नयाँ खानेपानी योजनाको समेत ढेक्का प्रक्रिया सुरु भइसकेको र साउन भित्रै सबैको घरघरमा धारा जडान भई पानी संचालन हुने जानकारी दिए ।
