सिलगढी,
सामुदायिक विकास केन्द्र (सिडिसि) डोटीका अध्यक्ष हेमराज जोशीले आफ्नो जन्मदिको अवसरमा उक्त संस्थाका संस्थापक अध्यक्ष स्वर्गीय हरि प्रसाद पन्तको स्मृतिमा रु. २५ हजार जम्मा गरी अक्षयकोषको स्थापना गरेका छन् ।
अक्षयकोषबाट विद्यालय, जिल्ला, प्रदेश तथा राष्ट्रिय स्तरमा सार्वजनिक शिक्षालाई राम्रो गर्न योगदान दिने शिक्षक, व्यवस्थापन समिति, सामाजिक संस्था वा व्यक्तिहरुलाई पुरस्कृत गरिने बताइएको छ । यस सम्बन्धि बिस्तृत रुपमा कार्यविधि निर्माण गरी थप काम अघि बढाइने बताइएको छ ।
स्व. पन्तले जिल्लाको शैक्षिक विकासमा पु¥याउनु भएको योगदान सम्झिदै कोष स्थापना गरिएको र यसबाट एसईईमा उत्कृष्ट अंक ल्याउने विद्यार्थीलाई समेत प्रोत्साहन स्वरुप सम्मान गर्न सकिने अध्यक्ष जोशीले बताए ।
अक्षयकोषमा संस्थाका पदाधिकारी, कर्मचारी लगायत अन्य शुभचिन्तकहरुले आफ्नो जन्मदिन वा कुनै उत्सब, दिवसको अवसरमा रकम जम्मा गर्न सक्ने बताइएको छ ।
