सिलगढी/डाेटीमा घर भत्किएर च्यापिदा एक जनाको मृत्यु भएको छ। जिल्लाको दिपायल सिलगढी नगरपालिका वडा नम्बर ५ गैराका शंकर मलासीकी श्रीमती ३० बर्षिय गङ्गा मलासीको मृत्यु भएको प्रहरीले जनाएको छ ।
जिल्ला प्रहरी कार्यालय डोटीका अनुसार शनिबार बिहान तीन बजे एक तले आफ्नै घर भत्किदा घरमा सुतेकी मलासीको च्यापिएर मृत्यु भएको हो ।
घटना घटेलगत्तै जिल्ला प्रहरी कार्यालयबाट प्रहरी नायव निरीक्षक आन सिंह धामीको कमान्डमा गएको प्रहरी टोलीले उद्धार गरि मलासीको शव निकालेको थियो ।
केही दिनदेखि लगातार वर्षा भइरहेकाे र साेहि कारण घर भत्किएको हुनसक्ने अनुमान गरेपनि घटना कसरी भएकाे हाे ?, अनुसन्धान भइरहेकाे प्रहरीले जनाएकाे छ ।
