दिपायल/डाेटीका ६५ वटै वडाका वडाअध्यक्षकाे बैठकले विभिन्न निर्णयहरू गरेकाे छ ।
बैठकबाट सिलगढी स्थित जिल्ला अस्पतालमा ५ जना बिशेषज्ञ डाक्टर सहित आइसीयु सेवा संचालन गरि सुबिधासम्पन्न बनाउनका लागि पहल गर्ने निर्णय गरेकाे शिखर नगरपालिका वडा नम्बर १ का वडाअध्यक्ष दिपक बाेगटीले जानकारी दिए ।
आइतबार बसेकाे बैठकबाट डाेटीकाे समग्र विकासका लागि पहल गर्न तदर्थ समिति गठन गरेकाे छ ।
दिपायल सिलगढी नगरपालिका वडा नम्बर २ का वडाअध्यक्ष राजेन्द्र खड्का संयाेजक रहने गरि १८ सदस्यीय समिति गठन गरेकाे समितिका प्रवक्ता शिखर नगरपालिका वडा नम्बर २ का वडाअध्यक्ष दिपक बाेगटीले जानकारी दिए ।
समितिको सहसंयोजकमा जगत मल्ल, सदस्यहरूमा दीपक बोगटी, टेकराज भट्ट, नरेश मलासी, नवीन ओझा, अङ्क खड्का, बलबहादुर खड्का, दीपक साउद, जगत सिंह, भरत खड्का, लाल खडायत, कृष्ण बहादुर बम, जयलाल धामी, राम बोहरा, डम्बर बोहरा, स्याम बोगटी र पदम बोहरा रहेका छन् ।
त्यसैगरी स्याउले बिपीनगर दिपायल फास्ट्रट्र्याक संचालनका लागि सबै पालिकाका प्रमुख, उपप्रमुख लगायत सराेकारवाला व्यक्ति, निकाय लगायतसंग बसेर छलफल गरी काम अगाडि बढाउने निर्णय गरेकाे जनाइएकाे छ ।
प्रत्येक पालिकाका प्रबक्ताहरूलाई समितिकाे सल्लाहकारमा राखिएकाे छ ।
