विक्रम खड्का,
सिलगढी/दिपायल सिलगढी नगर पालिकास्तरीय तेस्रो राष्ट्रपति रनिङ सिल्ड प्रतियोगिता सम्पन्न भएको छ।
सबै खेलमा उत्कृष्ट प्रदर्शन गर्दै पद्म पब्लिक मुक्ति नारायण उच्च माध्यमिक विद्यालयले राष्ट्रपति रनिङ सिल्ड हात पारेको हो । जम्मा ४२ विधाका खेलमध्ये २१ विधामा स्वर्ण पदक १० रजत पदक ४ कास्य पदक सहित ३५ पदक हासिल गर्दै प्रथम भएको छ।
त्यस्तै १० स्वर्ण पदक १० रजत पदक र ५ कास्य पदक गरी २५ पदक सहित सुजङ्ग बोर्डिङ स्कुलले द्वितीय स्थान हासिल गर्न सफल भएको छ।
त्यस्तैगरि ४ स्वर्ण पदक २ रजत पदक र ५ कास्य पदक सहित ११ पदक प्राप्त गर्दै सुना देवी माध्यमिक विद्यालयले तृतीय स्थान हात पार्न सफल भएको छ ।
प्रतियोगिताका विजेताहरूलाई सिल्ड, प्रमाणपत्र र मेडल प्रदान गरिएको छ। स्थानीयस्तरमा रहेका खेलाडीको क्षमता अभिवृद्धिका लागि पालिकास्तरीय राष्ट्रपति रनिङ सिल्ड प्रतियोगिता सञ्चालन गरिएको नगर प्रमुख बाजि सिंह खड्काले बताए । उनले भने, ‘हामीले पालिकामा रहेका खेलाडीको प्रतिभा पहिचान र क्षमता अभिवृद्धिका लागि प्रतियोगिता सञ्चालन गरेका हौं ।’
समापन कार्यक्रमका प्रमुख अतिथि जिल्ला समन्वय समितिका संयोजक लक्ष्मणबहादेर सिंह रहेका थिए । सिलगढीको टुडिखेलमा तीन दिन सम्म सञ्चालन भएको राष्ट्रपति रनिङ सिल्ड प्रतियोगिता नगरपालिका भित्रका १३ वटा विद्यालयको सहभागिता रहेको थियो ।
